Also zerscht möcht ich nomol es Dankeschön a alli usrichte, wo am Friitig an Apéro verbii cho send. Esch cool gsi, euch all nomol z'gseh. Nochere sehr chorze Nacht (ca. 1,5 Stond gschlofe) esch de Wecker am 05.10 weder abe ond mer send uf de Flughafe. Dementsprechend esch min Zuestand dor de höttigi Tag gsi, so en Duur-Dämmer-Zuestand. Am Flughafe in Toronto acho hani mer denn es Taxi gschnapped, om ned met em ganze Gepäck dor di halb Stadt z'irre. De Ricky, min Vermieter, hed mich denn fröndlich empfange ond grad mol ofe Tour dors Quartier metgno, woner mer die wechtigschte Sache so zeigt hed. Jedefalls eis esch mer höt klar worde. De Kanadier fahrt Auto, au wenns nor om de Egge in Lade zom poschte esch.
Ond entgäge vo allne scho korsierende Gröcht chani bestätige: De Ricky esch definitiv ned vom andere Ufer! :-)
Der Tag EINS
Samstag, April 01, 2006
um 8:11 PM
meint...
Das freut eus aber, dass din Vermieter kein "warme" Brüeder esch. En Guete Start. Sandra&Chregi
