Ich han mer es Greyhound-Ticket of Ottawa kauft. Morn im spötere Nomittag gohts los ond ich bliibe bes am Mäntig det, well das esch de Victoria Day ond drom frei, en Rarität do.
Han zerscht en Mitfahrglägeheit met eme Auto welle organisiere, well das chli spannender esch als Bus fahre. Doch de Kanadier wo mich metgno hätti, hed chorzfrischtig de Trip abgseit, drom goni halt gliich met em Bus. Ben froh, dassi mol chli us de Stadt usechome, well ossert Toronto hani no nüüt vo Kanada gseh. Ich bsueche in Ottawa en entfernti Verwandti ond ehemaligi Schuelkollegin vo mim Mami. Die hed glaubs scho s'ganze Wochenendi för mich doreorganisiert ... wird secher spannend! :-) Also, es wird drom ide nöchste Täg kei Blog-Brecht geh!
Ciao!
Ab in die Hauptstadt
Donnerstag, Mai 18, 2006
um 10:49 PM
Andreas Fuerer meint...
Esch weder mol typisch: De ersti ride share hed abgseit ond di andere woni via Internet kontaktiert han, meldet sich en ganzi Woche ned. Chum hesch Greyhound Ticket kauft, lueteds Telefon ond du hettisch en Mitfahrglaegeheit. Wieso muend die Kanadier au immer alles im letschte Moment mache?? *arrrrg*
