Das Wochenändi esch d'Veranstaltig Doors Open ond verschendensti Gebäude, wo sost ned öffentlich zuegänglich send, chönnt gratis besichtiged werde. Doch leider ben ich ned de einzigi gsi, wo das hed welle nötze, öberall en riesige Schlange vo Lüüt voredra gha. Hans denn drom nor in Hauptsitz vode Canadian Imperial Bank of Commerce ond i di alti Börse gschafft.
Höt Nomittag esch au i minere Wohnig Doors Open gsi. Wells Huus verchauft wird, send meheri Interessente god Wohnig aluege. Woni heicho be, esch niemert ome gsi, weder Lüüt no Vermieter, doch Töre sperrhangelwiit offe ... aber zom Glöck nüüt wegcho, schiint alles no ome z'sii.
