Natalie ist daaa!

Hoi säme, I'm here! ... nei, so eifach esch es ned gsi, well zerscht hämmer ois ofem Flughafe verpasst. Hät soo vell Lüt gha, ben mer vorcho wie en Super-Star...:-)Han en nor gfonde, well er öppe de einzig gsi esch met eme knall rotä T-Shirt (mit Jesus-Aufdruck) :-)

Han scho s'volle Programm gha do! Weltreis bes zum Andreas sinere Wohnig à la Mister X, loschtigi chinesischi Läde hani scho gseh. Sbeschte esch denn aber wohl de Glass Floor gsi of em CN Tower obe... Händ alli Frauä so schwerig do zum of de Glasbodä ufezstoh und send of em Teppich stoh blebe. Gottseidank händ die ned gwösst, dass sich eigentli öberall Glas dronter befendet und das ganze nor en fiise Trick esch, demmet d'Lüt sich in Sicherheit fühled:-) De Andreas hät den no e chlini Show-Ilag botte of 351 Meter höchi... esch er eifach voll of d'Glassplatte ufegompet, hät mega klöpft und alli Lüt händ blöd glueget und eine hät en verdammte Lachafall becho :-)

Jojo, jetzt gömmer nochli go Toronto entdecke... Tschüss und weg

Natalie