Nocheme Toast uf oisem super Grill semmer wiitergfahre in Rechtig Québec. Ond die Stadt esch wörkli es Bijou. Total anderst als die andere kanadische Städt. Eigentlich meh europäisch, met ere grosse Altstadt met Stadtmuur, schöne alte Gebäude ond ehre Borg. Do gits chli weniger Fastfood, deför endlich mol guets Brot us de Boulangerie ond de beschti Crepes! Mer händ vell zvell gässe i dere Stadt ... fascht chönne omechogele.
